قازاقستان رەسپۋبليكاسىنىڭ ىشكى ىستەر مينيسترلىگىنىڭ بۇيرىعى  №66

2015 جىلعى 28 قاڭتار, استانا قالاسى بەيبىت ۋاقىتتا ازاماتتىق قورعانىس اسكەري بولىمدەرىن قولدانۋ قاعيدالارىن بەكiتۋ تۋرالى «ازاماتتىق قورعاۋ تۋرالى» 2014 جىلعى 11 ساۋىردەگى قازاقستان رەسپۋبليكاسىنىڭ زاڭى 12-بابىنىڭ 70-10) تارماقشاسىنا سايكەس بۇيىرامىن: 1. قوسا بەرىلىپ وتىرعان بەيبىت ۋاقىتتا ازاماتتىق قورعانىس اسكەري بولىمدەرىن قولدانۋ قاعيدالارى بەكىتىلسىن. 2. قازاقستان رەسپۋبليكاسى ىشكى ىستەر مينيسترلىگىنىڭ توتەنشە جاعدايلار كوميتەتى (ۆ.ۆ. پەتروۆ) زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ مەرزىمدى باسپا باسىلىمىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالانۋىن; 3) وسى بۇيرىقتى قازاقستان رەسپۋبليكاسى ىشكى ىستەر مينيسترلىگىنىڭ ينتەرنەت-رەسۋرسىنا ورنالاستىرۋدى قامتاماسىز ەتسىن. 3. بۇيرىقتىڭ ورىندالۋىن باقىلاۋدى وزىمە قالدىرامىن. 4. وسى بۇيرىق ءبىرىنشى رەسمي جاريالانعان كۇننەن باستاپ كۇنتىزبەلىك ون كۇن وتكەننەن كەيىن قولدانىسقا ەنگىزىلەدى. مينيستر ق.قاسىموۆ. قازاقستان رەسپۋبليكاسى ىشكى ىستەر ءمينيسترىنىڭ 2015 جىلعى 28 قاڭتارداعى № 66 بۇيرىعىمەن بەكىتىلگەن بەيبىت ۋاقىتتا ازاماتتىق قورعانىس اسكەري بولىمدەرىن قولدانۋ قاعيدالارى 1. جالپى ەرەجەلەر 1. وسى بەيبىت ۋاقىتتا قازاقستان رەسپۋبليكاسى ۇلتتىق ۇلانىنىڭ ازاماتتىق قورعانىس اسكەري بولىمدەرىن قولدانۋ قاعيدالارى (بۇدان ءارى - قاعيدالار) «ازاماتتىق قورعاۋ تۋرالى» 2014 جىلعى 11 ساۋىردەگى قازاقستان رەسپۋبليكاسىنىڭ زاڭى 12-بابىنىڭ 70-10) تارماقشاسىنا سايكەس ازىرلەندى جانە بەيبىت ۋاقىتتا ازاماتتىق قورعاۋ ءىس-شارالارىن ورىنداۋ ءۇشىن قازاقستان رەسپۋبليكاسى ۇلتتىق ۇلانىنىڭ ازاماتتىق قورعانىس اسكەري بولىمدەرىن (بۇدان ءارى – ازاماتتىق قورعانىس اسكەري بولىمدەرى) قولدانۋ ءتارتىبىن ايقىندايدى. 2. بەيبiت ۋاقىتتا ازاماتتىق قورعانىس اسكەري بولiمدەرiنىڭ نەگىزگى مىندەتتەرى: قازاقستان رەسپۋبليكاسىنىڭ اۋماعىندا توتەنشە جاعدايلاردى جويۋ; جاۋىنگەرلىك, جۇمىلدىرۋ جانە ساياسي دايارلىقتى ۇيىمداستىرۋ; توتەنشە جاعدايلار ايماقتارىندا حالىقتىڭ تىنىس-تىرشىلىگىن قامتاماسىز ەتۋ بويىنشا جۇمىستاردى ورىنداۋ; توتەنشە جاعدايلاردىڭ الدىن الۋعا باعىتتالعان ءىس-شارالارعا قاتىسۋ; ۋاكىلەتتى ورگاننىڭ قاراماعىنداعى باسقارۋ پۋنكتتەرىن كۇزەتۋدى جانە وعان قىزمەت كورسەتۋدى قامتاماسىز ەتۋ; توتەنشە جاعدايلار ايماقتارىنا, ونىڭ ىشىندە شەت ەلدىك مەملەكەتتەرگە جەتكىزىلەتىن جۇكتەردi تاسىمالداۋ, بiرگە الىپ ءجۇرۋ جانە كۇزەتۋ; جۇمىلدىرىپ ورiستەتۋگە دايىندىق جانە جاۋىنگەرلiك ازىرلىكتكە كەلتiرۋ جونىندەگi iس-شارالاردى جۇزەگە اسىرۋ; وقۋ وبەكتىلەرىن, پوليگونداردى تۇراقتى ازىرلىكتە ۇستاۋ; ۋاكىلەتتى ورگاننىڭ جەدەل رەزەرۆىن ۇستاۋ بولىپ تابىلادى. 3. بەيبiت ۋاقىتتا ازاماتتىق قورعانىس اسكەري بولiمدەرi جۇكتەلگەن مىندەتتەرىنە سايكەس: 1) زارداپ شەككەندەردى زاقىمدالعان, جانىپ جاتقان عيماراتتار مەن قۇرىلىستاردان, گازدالعان, سۋ باسقان جانە تۇتىندەگەن ءۇي-جايلاردان ىزدەۋ جانە الىپ شىعۋ (شىعارىپ الۋ); 2) زارداپ شەككەندەرگە العاشقى مەديتسينالىق كومەك كورسەتۋ جانە ولاردى قاۋىپسىز اۋداندارعا ەۆاكۋاتسيالاۋ; 3) ادامداردىڭ (زارداپ شەككەندەردىڭ) ءومىرى مەن دەنساۋلىعىن ساقتاپ قالۋ ءۇشىن قاجەتتى جاعداي جاساۋ; 4) تابيعي جانە تەحنوگەندىك سيپاتتاعى توتەنشە جاعدايلار ايماعىنان ماتەريالدىق, مادەني قۇندىلىقتاردى قۇتقارۋ (ەۆاكۋاتسيالاۋ); 5) تابيعي جانە تەحنوگەندىك سيپاتتاعى توتەنشە جاعدايلاردى جويۋ كەزىندە جەدەل شتابتاردى اقپاراتتىق الماسۋدىڭ بارلىق تۇرىمەن قامتاماسىز ەتۋ; 6) ازاماتتىق قورعانىس كۇشتەرى مەن قۇرالدارىن ەنگىزۋ باعىتتارىن جابدىقتاۋ; 7) بۇزىلۋ قاۋپى بار نەمەسە اۆاريالىق-قۇتقارۋ جۇمىستارىن قاۋىپسىز جۇرگىزۋگە كەدەرگى كەلتىرەتىن عيماراتتار مەن قۇرىلىستاردىڭ كونسترۋكتسيالارىن نىعايتۋ نەمەسە قيراتۋ; 8) كوممۋنالدىق-ەنەرگەتيكالىق جەلىلەردىڭ جەكەلەگەن ۋچاسكەلەرىن قالپىنا كەلتىرۋ; 9) ءبىرىنشى كەزەكتە حالىقتىڭ تىنىس-تىرشىلىگى, اۋماقتى سانيتاريالىق تازالاۋ ءۇشىن م ۇلىكتەردى جەتكىزۋ; 10) توتەنشە جاعدايلار ايماقتارىندا حالىقتىڭ تىنىس-تىرشىلىگىن قامتاماسىز ەتۋ جونىندەگى جۇمىستاردى ورىنداۋ; 11) زاقىمدالعان عيماراتتار مەن قۇرىلىستاردى ولاردا زارداپ شەككەندەردى ۋاقىتشا ورنالاستىرۋ ءۇشىن جانە اۆاريالىق-قۇتقارۋ جۇمىستارىن جۇرگىزۋگە بايلانىستى باسقا دا ماقساتتار ءۇشىن ءىشىنارا قالپىنا كەلتىرۋ; 12) توتەنشە جاعدايلار ايماعىنان ەۆاكۋاتسيالانعان زارداپ شەككەن حالىق (مۇمكىن بوسقىندار) ءۇشىن لاگەرلەردى ورىستەتۋ; 13) توتەنشە جاعدايلاردىڭ سالدارىن جويۋعا قاتىسۋ; 14) جاۋاپتى ايماقتاردا تابيعي جانە تەحنوگەندىك سيپاتتاعى توتەنشە جاعدايلاردىڭ الدىن الۋعا باعىتتالعان ءىس-شارالارعا قاتىسۋ; 15) جاۋىنگەرلىك, جۇمىلدىرۋ جانە ساياسي دايارلىقتى ۇيىمداستىرۋ; 16) ۋاكىلەتتى ورگاننىڭ قاراماعىنداعى ازاماتتىق قورعانىس باسقارۋ پۋنكتتەرىن كۇزەتۋدى جانە ولارعا قىزمەت كورسەتۋدى قامتاماسىز ەتۋ; 17) تابيعي جانە تەحنوگەندىك سيپاتتاعى توتەنشە جاعدايلار ايماعىنا, ونىڭ ىشىندە شەتەلدىك مەملەكەتتەرگە جەتكىزىلەتىن گۋمانيتارلىق جۇكتەردى تاسىمالداۋ; 18) جۇمىلدىرىپ ورىستەتۋگە دايىندىق جانە جاۋىنگەرلاىك ازىرلىككە كەلتىرۋ جونىندەگى ءىس-شارالاردى جۇزەگە اسىرۋ; 19) ازاماتتىق قورعانىس بويىنشا وقۋ وبەكتىلەرىن, پوليگونداردى تۇراقتى ازىرلىكتە ۇستاۋ; 20) ازاماتتىق قورعانىس اسكەري بولىمدەرىن, ۋاكىلەتتى ورگاننىڭ جەدەل رەزەرۆىن ورىستەتۋ جانە اۆاريالىق-قۇتقارۋ ءارى كەزەك كۇتتىرمەيتىن جۇمىستاردى جۇرگىزۋگە ارنالعان قارۋ-جاراقتى, تەحنيكانى, ماتەريالدىق-تەحنيكالىق قۇرالداردى جيناقتاۋ, ساقتاۋ جانە ۋاقتىلى جاڭالاۋ; 21) بايلانىس جەلىلەرىن جانە باسقا دا ماڭىزدى بايلانىس ينفراقۇرىلىمىنىڭ ەلەمەنتتەرىن قالپىنا كەلتىرۋگە بايلانىستى جەكەلەگەن مىندەتتەردى ورىنداۋعا قاتىسۋ; 22) قازاقستان رەسپۋبليكاسى پرەمەر-ءمينيسترى – قازاقستان رەسپۋبليكاسى ازاماتتىق قورعانىس باستىعىنىڭ, قازاقستان رەسپۋبليكاسى ىشكى ىستەر ءمينيسترى – قازاقستان رەسپۋبليكاسىنىڭ ازاماتتىق قورعانىس باستىعى ورىنباسارىنىڭ باسقارۋ پۋنكتتەرىن ۇستاۋ جانە جۇمىس ىستەۋى; 23) اۆاريالىق-قۇتقارۋ, كەزەك كۇتتىرمەيتىن جۇمىستاردى جۇرگىزۋ كەزىندە جانە گۋمانيتارلىق جۇكتەردى الىپ ءجۇرۋ كەزىندە تابيعي جانە تەحنوگەندىك سيپاتتاعى توتەنشە جاعدايلاردى جويۋ جونىندەگى رەسپۋبليكالىق جەدەل شتابتىڭ بايلانىسىن قامتاماسىز ەتۋ; 24) ازاماتتىق قورعاۋ ماسەلەلەرى بويىنشا جەرگىلىكتى اتقارۋشى ورگانداردىڭ مىندەتتەرىن شەشۋگە كاتىسۋ ءۇشىن قولدانىلادى. 4. بەيبىت ۋاقىتتا ازاماتتىق قورعانىس اسكەري بولىمدەرى كۇندەلىكتى قىزمەت, جوعارى ازىرلىك جانە توتەنشە جاعدايلار رەجيمدەرىندە جۇمىس ىستەيدى. 5. ازاماتتىق قورعاۋ ءىس-شارالارىنا ازاماتتىق قورعانىس اسكەري بولىمدەرىن قولدانۋ تۋرالى شەشىمدى قازاقستان رەسپۋبليكاسىنىڭ ىشكى ىستەر ءمينيسترى (بۇدان ءارى – مينيستر) قابىلدايدى. 6. ءمينيستردىڭ شەشىمى بويىنشا ازاماتتىق قوعانىس اسكەري بولىمدەرىنىڭ بولىمشەلەرى قازاقستان رەسپۋبليكاسى ىشكى ىستەر مينيسترلىگىنىڭ توتەنشە جاعدايلار كوميتەتى (بۇدان ءارى – تجك) توراعاسىنىڭ جەدەل باعىنىسىنا بەرىلەدى. 7. تجك توراعاسى ازاماتتىق قورعانىس اسكەري بولىمدەرىن تابيعي جانە تەحنوگەندىك سيپاتتاعى توتەنشە جاعدايلاردى جويۋ باسشىسىنىڭ نەمەسە تابيعي جانە تەحنوگەندىك سيپاتتاعى توتەنشە جاعدايلاردىڭ الدىن الۋ جونىندەگى جۇمىستار باسشىسىنىڭ قاراماعىنا اۋىسۋعا ءتيىستى وكىم بەرۋگە قۇقىعى بار. 2. ازاماتتىق قورعانىس اسكەري بولىمدەرىنىڭ كۇندەلىكتى قىزمەت رەجيمىندەگى جۇمىسى 8. ازاماتتىق قورعانىس اسكەري بولىمدەرى كۇندەلىكتى قىزمەت رەجيمىندە مىناداي ءىس-شارالاردى جۇرگىزەدى: 1) تابيعي جانە تەحنوگەندىك سيپاتتاعى توتەنشە جاعدايلاردى جويۋ جونىندەگى ءىس-قيمىل ء(وزارا ءىس-قيمىل) جوسپارلارىن ازىرلەۋ; 2) جاۋىنگەرلىك, جۇمىلدىرۋ جانە ساياسي دايارلىقتى, ونىڭ ىشىندە اسكەري بولىمدەردىڭ قىزمەتىن مورالدىق-پسيحولوگيالىق قامتاماسىز ەتۋگە باعىتتالعان يدەولوگيالىق جۇمىستى جانە ارنايى ناسيحاتتى ۇيىمداستىرۋ; 3) ازاماتتىق قورعاۋ سالاسىنداعى ۋاكىلەتتى ورگاننىڭ قاراماعىنداعى باسقارۋ پۋنكتتەرىن كۇزەتۋدى جانە ولارعا قىزمەت كورسەتۋدى قامتاماسىز ەتۋ; 4) ازاماتتىق قورعانىس جونىندەگى وقۋ وبەكتىلەرىن, پوليگونداردى تۇراقتى ازىرلىكتە ۇستاۋ; 5) ۋاكىلەتتى ورگاننىڭ جەدەل رەزەرۆىن ۇستاۋ جانە وعان قىزمەت كورسەتۋ; 6) ازاماتتىق قورعاۋ سالاسىنداعى الۋەتتى قۇرىلىمداردىڭ, ۋاكىلەتتى ورگان ۆەدومستۆوسىنىڭ جانە ونىڭ اۋماقتىق بولىمشەلەرىنىڭ بايلانىس توراپتارىمەن ءوزارا ءىس-قيمىل جاساسۋىن قامتاماسىز ەتۋ. 9. ازاماتتىق قورعانىس اسكەري بولىمدەرى تابيعي جانە تەحنوگەندىك سيپاتتاعى توتەنشە جاعدايلاردىڭ الدىن الۋعا باعىتتالعان ءىس-شارالارعا قاتىسا وتىرىپ, مىنالاردى: 1) تابيعي جانە تەحنوگەندىك سيپاتتاعى توتەنشە جاعدايلار تۋىنداعان جاعدايدا كەلتىرىلەتىن زيان مەن ماتەريالدىق شىعىندى ازايتۋدى قامتاماسىز ەتەتىن جۇمىستاردى; 2) قۇتقارۋشىلاردى اۆاريالىق-قۇتقارۋ جۇمىستارىن جۇرگىزۋگە دايىنداۋدى جەتىلدىرۋ بويىنشا اۆاريالىق-قۇتقارۋ قىزمەتتەرى جانە قۇرالىمدارىمەن بىرلەسكەن وقۋ-جاتتىعۋلار, جاتتىعۋلار, دالالىق شىعۋلار مەن ساباقتار جۇرگىزۋگە قاتىسۋدى جۇزەگە اسىرادى. 3. ازاماتتىق قورعانىس اسكەري بولىمدەرىنىڭ جوعارى ازىرلىك رەجيمىندەگى جۇمىسى 10. ازاماتتىق قورعانىس اسكەري بولىمدەرى جوعارى ازىرلىك رەجيمىندە مىناداي ءىس-شارالاردى جۇرگىزەدى: 1) تابيعي جانە تەحنوگەندىك سيپاتتاعى توتەنشە جاعدايلاردى جويۋ جونىندەگى ءىس-قيمىل ء(وزارا ءىس-قيمىل) جوسپارلارىن تۇزەتۋ; 2) قاجەت بولعان جاعدايدا باسقارۋ پۋنكتتەرىنە تاۋلىك بويعى كەزەكشىلىك ەنگىزۋ; 3) توتەنشە جاعدايلاردى جويۋعا قاتىساتىن كۇشتەر مەن قۇرالداردى تابيعي جانە تەحنوگەندىك سيپاتتاعى توتەنشە جاعدايلاردى جويۋ جونىندەگى ءىس-قيمىل ء(وزارا ءىس-قيمىل) جوسپارىنا سايكەس ازىرلىككە كەلتىرۋ, ال قاجەت بولعان كەزدە (كوماندا بويىنشا) ىقتيمال توتەنشە جاعدايلار ايماعىنا كۇشتەر مەن قۇرالداردى جىلجىتۋ; 4) تابيعي جانە تەحنوگەندىك سيپاتتاعى توتەنشە جاعدايلاردىڭ الدىن الۋ تۋىنداعان جاعدايدا كەلتىرىلەتىن زيان مەن شىعىننىڭ مولشەرىن ازايتۋ بويىنشا جەدەل شارالاردى قابىلداۋعا قاتىسۋ, سونداي-اق تابيعي جانە تەحنوگەندىك سيپاتتاعى توتەنشە جاعدايلاردا وبەكتىلەردىڭ تۇراقتى جانە قاۋىپسىز جۇمىس ىستەۋىن ارتتىرۋعا قاتىسۋ; 5) ەگەر بۇرىن تولتىرىلماعان بولسا, ىشكى ىستەر مينيسترلىگىنىڭ جەدەل رەزەرۆىن تولتىرۋ; 6) قاجەت بولعان جاعدايدا ەۆاكۋاتسيالىق ءىس-شارالاردى جۇرگىزۋ; 7) قازاقستان رەسپۋبليكاسى ىشكى ىستەر ءمينيسترىنىڭ شەشىمى بويىنشا قازاقستان رەسپۋبليكاسىنىڭ پرەمەر-ءمينيسترى – قازاقستان رەسپۋبليكاسى ازاماتتىق قورعانىس باستىعىنىڭ, قازاقستان رەسپۋبليكاسى ىشكى ىستەر ءمينيسترى – ازاماتتىق قورعانىس باستىعى ورىنباسارىنىڭ ءموبيلدى باسقارۋ پۋنكتتەرىنىڭ بايلانىس توراپتارىن ورىستەتۋ. 4. ازاماتتىق قورعانىس اسكەري بولىمدەرىنىڭ توتەنشە جاعدايلار رەجيمىندەگى جۇمىسى 11. ازاماتتىق قورعانىس اسكەري بولىمدەرى توتەنشە جاعدايلار رەجيمىندە مىناداي ءىس-شارالاردى جۇرگىزەدى: 1) تابيعي جانە تەحنوگەندىك سيپاتتاعى توتەنشە جاعدايلاردى جويۋ جونىندەگى ءىس-قيمىل جوسپارلارىن قولدانىسقا ەنگىزۋ (ىسكە اسىرۋ, ورىنداۋ) جانە ولاردى تۇزەتۋ, تۋىنداعان تابيعي جانە تەحنوگەندىك سيپاتتاعى توتەنشە جاعدايلاردىڭ جانە ولاردىڭ سالدارىنىڭ دامۋىن بولجاۋ; 2) توتەنشە جاعدايلار ايماعىندا اۆاريالىق-قۇتقارۋ جۇمىستارىن ۇيىمداستىرۋ, جۇمىستاردىڭ احۋالى جانە ونى جۇرگىزۋ بارىسى تۋرالى اقپارات جيناۋ, تالداۋ جانە الماسۋ; 3) تابيعي جانە تەحنوگەندىك سيپاتتاعى توتەنشە جاعدايلار كەزىندە حالىقتىڭ تىنىس-تىرشىلىگىن قامتاماسىز ەتۋ جونىندەگى ءىس-شارالاردى جۇرگىزۋگە قاتىسۋ. 12. تابيعي جانە تەحنوگەندىك سيپاتتاعى توتەنشە جاعدايلاردى جويۋ كەزىندە ازاماتتىق قورعانىس اسكەري بولىمدەرى اۆاريالىق-قۇتقارۋ جانە كەزەك كۇتتىرمەيتىن جۇمىستاردى جۇرگىزەدى جانە: 1) توتەنشە جاعدايلار ايماقتارىندا جانە اۆاريالىق-قۇتقارۋ جۇمىستارىن جۇرگىزۋ وبەكتىلەرىندە زارداپ شەككەندەردى ىزدەۋدى; 2) زارداپ شەككەندەردى قورشاۋدان شىعارۋدى جانە ءومىرىن ساقتاپ قالۋعا جاعداي جاساي وتىرىپ, ولاردى قورشاۋدا قالعان جەرلەردەن قاۋىپسىز اۋداندارعا ەۆاكۋاتسيالاۋدى; 3) زارداپ شەككەندەرگە العاشقى مەديتسينالىق كومەك كورسەتۋدى; 4) ماتەريالدىق جانە مادەني قۇندىلىقتاردى قۇتقارۋ بويىنشا ارەكەت ەتۋدى; 5) قورشاعان ورتانى قورعاۋ جونىندەگى ءىس-شارالاردى; 6) ارنايى جانە قوسىمشا جۇمىستاردى ورىنداۋدى: ۇيىندىلەرگە وتەتىن جولداردى (وتپەلەردى) سالۋدى, كوممۋنالدىق-ەنەرگەتيكالىق جەلىلەردەگى اۆاريالاردى وقشاۋلاۋدى, قۇلاۋ قاۋپى بار جانە جۇمىستاردى قاۋىپسىز جۇرگىزۋگە كەدەرگى كەلتىرەتىن عيماراتتار مەن ءۇيىندى ەلەمەنتتەرىنىڭ كونسترۋكتسيالارىن قۇلاتۋدى نەمەسە نىعايتۋدى, بۇزىلعان عيماراتتاردىڭ ۇيىندىلەرىندەگى ورتتەردى ءسوندىرۋدى; جۇمىس ورىندارى مەن الاڭدارىن جارىقتاندىرۋدى, قاۋىپتى ايماقتاردى, جۇمىس ورىندارىن جانە الاڭداردى قورشاۋدى; 7) توتەنشە جاعدايلاردىڭ سالدارىن جويۋدى, ايماقتارىن وقشاۋلاۋدى جۇزەگە اسىرادى; 8) قازاقستان رەسپۋبليكاسىنىڭ پرەمەر-ءمينيسترى – ازاماتتىق قورعانىس باستىعىنىڭ باسقارۋ ورگانى جانىنداعى ءموبيلدى باسقارۋ پۋنكتىنىڭ بايلانىس توراپتارىنىڭ جۇمىسىن ۇيىمداستىرۋ, ول مىنالاردان: قازاقستان رەسپۋبليكاسىنىڭ پرەمەر-ءمينيسترى - ازاماتتىق قورعانىس باستىعىنىڭ, قازاقستان رەسپۋبليكاسىنىڭ ىشكى ىستەر ءمينيسترى - ازاماتتىق قورعانىس باستىعى ورىنباسارىنىڭ اۆتوماتتاندىرىلعان جۇمىس جانە دەمالۋ ورىندارىن ۇيىمداستىرۋدان جانە قامتاماسىز ەتۋدەن; بارلىق بايلانىس تۇرلەرىمەن قامتاماسىز ەتۋدەن; قازاقستان رەسپۋبليكاسىنىڭ قاۋىپسىزدىك كەڭەسىنە توتەنشە جاعدايلار ايماعىنان دەرەكتەردى (سۋرەت, بەينە) بەرۋدەن; اۆاريالىق-قۇتقارۋ جانە كەزەك كۇتتىرمەيتىن جۇمىستاردى جۇرگىزۋ, گۋمانيتارلىق جۇكتەردى الىپ ءجۇرۋ كەزىندە بايلانىسپەن قامتاماسىز ەتۋدەن تۇرادى. 5. ازاماتتىق قورعانىس اسكەري بولىمدەرىن توتەنشە جاعدايلاردىڭ تۋىنداۋ قاتەرى كەزىندە باسقارۋ 13. تابيعي جانە تەحنوگەندىك سيپاتتاعى توتەنشە جاعدايلاردىڭ تۋىنداۋ قاتەرى, ازاماتتىق قورعاۋدىڭ مەملەكەتتىك جۇيەسى جۇمىسىنىڭ جوعارى ازىرلىك رەجيمىن ەنگىزۋ كەزىندە, تجك توراعاسى قازاقستان رەسپۋبليكاسى ۇلتتىق ۇلانى باس قولباسشىسىنىڭ (بۇدان ءارى – ۇۇ) كەلىسىمى بويىنشا مينيسترگە ازاماتتىق قورعانىس اسكەري بولىمدەرىن تجك توراعاسىنىڭ جەدەل باعىنىسىنا اۋىستىرۋ تۋرالى بايانات ەنگىزەدى. 14. باياناتتا ازاماتتىق قورعانىس اسكەري بولىمدەرىن نەمەسە ونىڭ جەدەل باعىنىسقا اۋىساتىن جەكەلەگەن بولىمشەلەرىن اۋىستىرۋ سەبەبى, ىقتيمال توتەنشە جاعدايلاردىڭ جانە ونىڭ ايماعىنىڭ تۇرلەرى, اتاۋى, جەكە قۇرام مەن تەحنيكانىڭ سانى, ولاردىڭ مىندەتتەرى كورسەتىلەدى. 15. ءمينيستردىڭ قارارىنا (شەشىمى) سايكەس ۇۇ باس قولباسشىسى ازاماتتىق قورعانىس اسكەري بولىمدەرىنىڭ بولىمشەلەرىن جەدەل باعىنىسقا اۋىستىرۋ تۋرالى ءتيىستى وكىم بەرەدى, وندا ازاماتتىق قورعانىس اسكەري بولىمدەرىنىڭ نەمەسە ونىڭ جەكەلەگەن بولىمشەلەرىنىڭ اتاۋى, جەكە قۇرام مەن تەحنيكانىڭ سانى, ولاردىڭ مىندەتتەرى كورسەتىلەدى. 16. ۇۇ باس قولباسشىسىنىڭ ءتيىستى وكىمىن بەرۋ ۇۇ اسكەرلەرىن باسقارۋ ورتالىعىنىڭ جەدەل كەزەكشىلەرى جانە تجك رەسپۋبليكالىق داعدارىس ورتالىعىنىڭ جەدەل كەزەكشىلەرى ارقىلى جۇرگىزىلەدى. 17. جەدەل باعىنىسقا بەرىلگەن بولىمشە كومانديرى كۇن سايىن ۇۇ باس قولباسشىسىنا جانە تجك توراعاسىنا اتقارىلعان ءىس-شارالار تۋرالى ۇۇ اسكەرلەرىن باسقارۋ ورتالىعىنىڭ جانە تجك رەسپۋبليكالىق داعدارىس ورتالىعىنىڭ جەدەل كەزەكشىلەرى ارقىلى باياندايدى. 6. ازاماتتىق قورعانىس اسكەري بولىمدەرىن توتەنشە جاعدايلار تۋىنداعان كەزدە باسقارۋ 18. تابيعي جانە تەحنوگەندىك سيپاتتاعى توتەنشە جاعدايلار تۋىنداعان, ازاماتتىق قورعاۋدىڭ مەملەكەتتىك جۇيەسى جۇمىسىنىڭ جوعارى ازىرلىك رەجيمىن ەنگىزۋ كەزىندە تجك توراعاسى ەگەر بۇرىن اسكەري بولىمدەر جەدەل باعىنىسقا اۋىسپاعان بولسا, ازاماتتىق قورعانىس اسكەري بولىمدەرىن ءمينيستردىڭ جانە ۇۇ باس قولباسشىسىنىڭ اۋىزشا كەلىسىمى بويىنشا ودان ءارى مينيسترگە بايانات ەنگىزە وتىرىپ, ءوزىنىڭ قولباسشىلىعىنا الادى. 19. باياناتتا ازاماتتىق قورعانىس اسكەري بولىمدەرىن نەمەسە ونىڭ جەدەل باعىنىسقا اۋىسقان جەكەلەگەن بولىمشەلەرىن اۋىستىرۋ سەبەبى, ىقتيمال توتەنشە جاعدايلاردىڭ جانە ونىڭ ايماعىنىڭ تۇرلەرى, اتاۋى, جەكە قۇرام مەن تەحنيكانىڭ سانى, ولاردىڭ مىندەتتەرى كورسەتىلەدى. 20. ءمينيستردىڭ قارارىنا (شەشىمى) سايكەس ۇۇ باس قولباسشىسى ازاماتتىق قورعانىس اسكەري بولىمدەرى بولىمشەلەرىن جەدەل باعىنىسقا اۋىستىرۋ تۋرالى ءتيىستى وكىم بەرەدى, وندا ازاماتتىق قورعانىس اسكەري بولىمدەرىنىڭ نەمەسە ونىڭ جەكە بولىمشەلەرىنىڭ اتاۋى, جەكە قۇرام مەن تەحنيكانىڭ سانى, ولاردىڭ مىندەتتەرى كورسەتىلەدى. 21. ۇۇ باس قولباسشىسىنىڭ ءتيىستى وكىمىن بەرۋ ۇۇ اسكەرلەرىن باسقارۋ ورتالىعىنىڭ جەدەل كەزەكشىلەرى جانە تجك رەسپۋبليكالىق داعدارىس ورتالىعىنىڭ جەدەل كەزەكشىلەرى ارقىلى جۇرگىزىلەدى. 22. ازاماتتىق قورعانىس اسكەري بولىمدەرى توتەنشە جاعدايلار ايماعىندا توتەنشە جاعدايلاردى جويۋ باسشىسىنىڭ جەدەل باعىنىسىنا جانە ونىڭ شەشىمىمەن قۇرىلعان جەدەل شتابقا كەلىپ تۇسەدى. 23. اۆاريالىق-قۇتقارۋ جانە كەزەك كۇتتىرمەيتىن جۇمىستاردى جۇرگىزۋ كەزىندە ازاماتتىق قورعانىس اسكەري بولىمدەرى جەكە قۇرامىنىڭ قىزمەت رەجيمى مەن جۇمىس كۇنىنىڭ ۇزاقتىعىن, ولاردى جۇرگىزۋ ەرەكشەلىكتەرىن, سانيتاريالىق قاعيدالار مەن گيگيەنالىق نورمالاردى ەسكەرە وتىرىپ, تابيعي جانە تەحنوگەندىك سيپاتتاعى توتەنشە جاعدايلاردى جويۋ باسشىسى بەلگىلەيدى. 24. جەدەل باعىنىسقا بەرىلگەن بولىمشە كومانديرى اتقارىلعان ءىس-شارالار تۋرالى ۇۇ باس قولباسشىسىنا جانە تجك توراعاسىنا ۇۇ اسكەرلەرىن باسقارۋ ورتالىعىنىڭ جانە تجك رەسپۋبليكالىق داعدارىس ورتالىعىنىڭ جەدەل كەزەكشىلەرى ارقىلى باياندايدى. 25. ازاماتتىق قورعانىس اسكەري بولىمدەرىنىڭ اۋىسۋىن جانە اۆاريالىق-قۇتقارۋ جۇمىستارىنىڭ جۇرگىزىلۋىن باقىلاۋدى ودان ءارى ۇۇ باس قولباسشىسىنا باياناتپەن بايانداي وتىرىپ, قازاقستان رەسپۋبليكاسى ۇلتتىق ۇلانىنىڭ وڭىرلىك قولباسشىسى جۇرگىزەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 5 ناۋرىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10390 بولىپ ەنگىزىلدى.